Baionako pestak bitxi hasi dira jende anitz ez baita pestan agertzen ausartu; honi "esker" jende gutti izan da lehenbiziko egunetan, pesta egiteko, gaita jotzeko eskertu duguna bainan erraldoiei jotzea inguruan ahantxu haurrik ikusi gabe frango tristea iduritu zaigu.
Igandean Oberena Dantza Taldea lagundu dugu herriko etxearen aintzinean eman duen saioan.
Egunak pasa ahala pestalariak deus ere ez zela gertatzen ohartu dira eta betiko jendetza ukan dugu hiriko karriketan edo biganxken aintzinean korrikan.
Goizetan diana pixka bat mozteko askari on batek ez du kalterik egiten
Hala ere momentu inportantena aperitifa da dudarik gabe.
Jende gutti bazela baliatu dugu trinketea bezalako xoko politak bisitatzeko:
Ez gira ideia ukan dugun bakarrak: txistulariak ere hor zeuden. Aldiz jotzen duten bitartean dantzatzeko ideia menturaz kopiatu beharko diegu:
Arratsaldeko poteoa zenbait lagunekin eta gaita lagundurik: zer konpainia hobe eskatu daiteke?
Josetxo oporretan ginuen, Aitor beste mila saltsetan sartua... eta banda osatzeko Oskarri eskatu diogu laguntza; konpainia paregabea eman digu afal ordua arte.
Astelehena zela baliatu dugu La Dominguera jotzeko:
Donibane auzoa 2016-06-19
Aste hotz eta euritsuaren ondoren lehenbiziko goiz ona baliatu dugu Donibaneko pestetan dianak jotzeko eta auzoko erraldoiak laguntzeko. Gurekin batean Haizaldiko gaita eskola ari izan da Josu haien maixuaren zuzendaritzapean.
Berriozar 2016-06-11
Enekoren beste alde bat entzueko parada ukan dugu Berriozarko igerilekuan. Arratsalde fresko xamarra bañatzeko bainan aldiz Iparfolk taldeak bazterrak segidan berotu ditu. Pena jendeak Osasuna eta Iparfolken artean hautatu behar izan duela; hor geundenek baginuen aski argi!
2016-04-30
Txantreako gaiteroek gomitaturik pestetako larunbata elkarrekin pasatu dugu, zaparradak eta haizaldiak saihesten. Kalderetea prest zen bainan betiko Alemanetan ez gira ausartu baizik eta txoznen arkupen babesean jarri.
Hemengo gaiteroez gain Baionako Dumoulindarren hiru belaunaldiak entzuteko parada izan dugu. Gaztelako dultzaineroak ere ukan ditugu lagun.
Ismael Yagueren zuzendaritzapean Atarrabiako Txistularien Alardean parte hartu dugu: Aitor txistulari bezala (nahiko trebea izan da gure Aitor batez ere Ismarekin leihan) eta Eneko eta Peio gaitan (bideoan ez dira ikusten bainan primeran aditzen dira).
Aurreko hiru piezen interpretazioan nork jotzen zuen argi ez bada gelditu, argazkiak ere baditugu.
Hasiera batean eta aintzineko urtetan bezala Iparraldeko Gaiteroek beren Gaita Eguna Untsalaz Txarangarekin haiekin ospatzera gomitatu gintuzten: ordukotz txaranga lo moduan jarri zen eta honengatik gaita modu tradizionalean jotzera joan gira.
Arratsaldean elizara eraman gaituzte bezperak ote ziren eta apaiza etorri ez zela baliaturik meza kontzertua bihurtu dugu.