2019-08-05

Leitza

2019-08-03
Programen banaketa

Ondoko larunbatean hasiko diren jaien programak banatzen ibili dira Leitzako gazteak etxez etxe eta herriko esku soinulari diren Tomax eta Jexuxekin batean ari izan gira Josetxo aspaldiko partez gurekin elkartuz.



Enekok badaki dantzan, gaita jotzen baita biak batera ere! Gainera holako dantzari talde batekin merezi du indartxo bat egitea.


Eta dantzari horiek herriko karrikara itzultzen direnean, ematen duten kalejira paregabekoa izaten ohi da.




2019-07-31

Baiona

2019-07-27 eta 28a
Baionako pestak

Aurtengo pestendako Anderrek lagundu gaitu, aspaldiko partez: 2008an egon zen gurekin azken aldikotz.


Lehenbiziko eguna, larunbatarekin, euripean pasatu dugu eta argazki edota bideo gutti egiteko parada ukan dugu egia erran.

Igandea arras kontrakoa gertatu zaigu eta goiz paregabea ukan dugu diana jotzeko eta Españako Karrikan askaltzeko.


Karrikan egoiteko leku goxoa izan da nahiz eta ostatuko prezioek hortikan eskapatzeko gogoa emaiten zuten: kafea aantxu kubataren prezioan!


Ondoren ziganteekin hasi gira pestetan karrikako giroan parte hartzen duten talde guzien desfilean. Eramaile bat ukan dugu erreportari bainan irudia poxi bat nahasi zaio.


Aperitifa egin ondoren Kalostrapen bazkaldu dugu. Bazkaltiarrak kanta arazten saiatu gira bainan nekez!


Arratsaldeko saioa Baiona Haundian egin dugu zonbait kantariekin, hasteko eta terraza batean kontzertu moduan gero.



Gure beste agerraldien argazki eta bideo guztiak Flickr-en ikus ditzakezu

2019-06-30

Iruñea-Donibane

2019-06-23
Donibane auzoko pestak

Donibane auzoko erraldoiak lagundu ditugu auzoan zehar.


Plaza baten batean baltsea dantza arazi diegu guk bederen harrapatu ahal izan dugun itzalpetik joz.




Gure argazki eta bideo guziak Flickr-en ikus ditzakezu

Gasteiz

2018-10-06
Dantzari Eguna



Oberena Dantza taldea Gasteizen lagundu dugu Kortesko dantzak jotzen.




Gasteizko argazki eta bideo guziak Flickr-en ikus ditzakezu

2018-08-14

Baiona

2018ko uztailaren 27tik 29ra
Pestak



Aurtengo pestetan jotzeko Iñaki ukan dugu atabalan laguntzeko; gainera Baionako erraldoiak ikaragarri gustatu zaizkio.


Dianaren ondorean ordu pare bat pasatzen dugu erraldoiak laguntzen.


Alta ere goiz batez euria ukan dugu eta aitzakia baliatu dugu Philippen gasna jastatzeko eta momentu goxo bat aterpean pasatzeko:


Katedralera hurbildu gira eta hantxe otoitz egiten oroitzen ez baikinen baltse bat arkupean jotzea komenigarriagoa iduritu zaigu:



Baionako argazki eta bideo guziak Flickr-en ikus ditzakezu



Iruñea

2018-07-11
San Fermin
Oberena dantza taldearekin Sarasate Pasealekuan

San Ferminetako arratsaldeak ez dira bakarrik zezenketak baizik eta dantza erakustaldi ederrak ere antolatzen dira, kasu honetan Oberena dantza taldearen eskutik. Egun hortan Hodei izan dugu atabalari.



Gure beste agerraldien argazkiak eta bideoak Flickr-en ikus ditzakezu

2018-08-11

Burlata

2018ko ekainaren 6a
Burlatan Kantuz 

Berriz ere Burlatan Kantuz laguntzeko parada ukan dugu eta egun hortarako gurekin Paz de Ziganda Ikastolan anitz jo duen duen atabalari haundi bat izan dugu: Igor

Ondoko argazkian klik eginez geroz Burlatako argazki guziak ikusten ahalko dituzu:

Burlata 2018-06-09

Gure beste agerraldien argazkiak eta bideoak Flickr-en ikus ditzakezu

2018-05-29

Deba

2018ko maiatzaren 20a
Debatarren Eguna




Usurbilgo erraldoiak Debatarren egunean lagundu ditugu. Debako herriak gaitarekin eta erraldoiekin harreman istorikoa du eta harrera paregabea egin digu. Enekok aurreko astea Debako hondartzan pasatu zuen, horregatik du ilea hain argi. Mikel gurekin hasi da jotzen eta publikotik zenbait lagun hurbildu zaizkio hain gaztea izanik hain ongi jotzeagatik zoriontzera.




Erraldoi eramalei gure grabatzeko eskatu diegu baina, nahi gabe, beren lagun handiak filmatu dituzte, nola ez! Nola nahi ere aski ongi aditzen zaigu.





Baionako argazki eta bideo guziak Flickr-en ikus ditzakezu

Usurbil

2018ko otsailaren 10a
Ihauteriak

Herriko erraldoiak lagundu ditugu karriketan zehar eta hortarako atabalari berriari ongi etorria eman diogu Untsalaz Gaiteroen taldera: Mikel gurekin aritu zen Paz de Ziganda Ikastolako Olentzeroan eta geroztik gurekin ari da.




Noaua-ko Aritz ukan dugu argazkilaria eta hari esker ditugu hemengo argazkiak eta bideoak. Ondoko aragzkian klik eginez geroz Usurbilgo argazki guziak ikusten ahalko dituzu:


Usurbil 2018-02-10

Gure beste agerraldien argazkiak eta bideoak Flickr-en ikus ditzakezu

2017-09-28

Obanos

2017ko irailaren 2a

Herriko erraldoiak lagundu ditugu herriko pestak kari. Iosu ukan dugu bigarren botzan eta harekin normalki ari den Andres Garesko Gaiteroei "prestatu diegu", nahasketa pixka batek noiz behinka ez baitu kalterik egiten.






Bi banden artean Zentroko balkoietik baltseren bat eta Alemana jo ditugu Obanoseko haurrek haien erraldoiei heldu den urtea arte agurtzeko parada ukan zezaten.





Baionako argazki eta bideo guziak Flickr-en ikus ditzakezu