Uharte-Martiket
2022-12-31
Aurten ez zen faltako: Eguberrietan Peioren auzoan emaiten dugun itzulia errepikatu dugu; gaur ere Josetxo lagundu gaitu. Plazer haundia hartu dugu kaleko musika entzuten ez duen auzoa girotuz eta hamarretako ederrarekin borobilduz.
.jpeg)
Paz de Ziganda Ikastola
Atarrabia
2022-12-22
Ikastolan aspalditik ikusten ez ginuen Olentzero hemengo aldi ibili da azkenean eta guk gogotik lagundu dugu ikasle eta familia guziekilan; aurten eta halaber aspaldiko partez Josetxo izan dugu lagun atabalean.
2022ko uztailaren 28a eta 29a
Heldu bezain laster eta dianari hasiera ederra emaiteko, gure aspaldiko adixkideak bisitatu ditugu Zahakin elkartean, etxerat itzultzea bezala izan baita: esker Mila Denis eta Mixel!
Diana bukatu ondoren erraldoiak lagundu ditugu Baionako karriketan. Aurten eta aspaldiko partez Aritz ukan dugu atabalean laguntzeko: plazer bat berriz ere!
Lehenbiziko goiza zela baliaturik Betisoak elkarteak piper-arroltzemoletarat gomitatu gaitu eta honen eskertzeko, habanera bat jo diegu.
Tripa untsa aserik erraldoiekin segitzen ahal da aixe.
Gure egitarauak sorpresa haundirik ez du: erraldoiekin bukatu ondoren aperitifa girotu behar da.
Bazkaldu ondoren Dantzazpiko dantzari nekaezinak laguntzerat joan gira Larrain Dantza jotzeko.
2022ko uztailaren 7a
Iruñea
Aspaldiko partez hainbeste behar genituen San Ferminak ospatu ditugu, azkenean! 7a hautatu dugu gure betiko gaita poteoa egiteko. Hainbat lekuen artean Zaldiko Maldiko elkartean izan gira eta hor pieza batzuk jo.
2022ko uztailaren 15a
Untsalaz Gaiteroen sortzailea izan zena, blog honen egilea, musikari fina eta lagun paregabea pausatu da. Eritasunaren kontrako borroka luzea eta gogorra izan ondoren Txumak utzi gaitu.
 |
| 2011ko Baionako pestetan |
Hau da elkarrekin jo ginuen azken aldia, 2021eko ekainean Eneko eta Irantzuren ezkontzarako prestatu ginuen kantua.
Txuma, ez ditiagu hire hitz goxoak eta irria ahantziko; ez addiorik, gurekin segitzen duk!
Burlata
2021-11-13
Izadik 3 urte beteko ditu urtarrilan eta preso dituen gurasoengandik bereiziko dute. Egoera jasanezin hau gerta ez dadin manifestaldi haundi bat egin da Burlatan eta guk gure laguntza xumea ekarri dugu Donibaneko erraldoiak lagunduz.
Aspaldiko partez Josetxo atabalean lagun izan dugu.
Argazkiak Diario de Noticiasen berritik hartu ditugu.
Lizarrako San Migel elizan
2021-10-12
Iadanik iaz eta leku berean eman behar ginuen kontzertua atzeratu zen eta, azkenean, aurten interpretatzeko parada ukan dugu. Hortarako Iosu Larunbe organo jolearen laguntza izan dugu eta Nafarroako Organoko Musika Zikloak Lizarrako San Migel elizan jotzera gomitatu gaitu; guretzat ohore bat izan da holako jardunaldi batean parte hartzea.
Binario ikus-entzun entrepresak kontzertua grabatu eta aldarean muntatu zuen pantailan proiektatu du, publikoari musikarien ikuskizun paregabea emanez, benetazko erreportaia sortuz. Zikloa babesten duen Nafarroako Gobernuari baita Binario-ri ere eskertu behar diegu delako bideoak guri eskaintzea.
Aurreko sarreran azaltzen ginuen bezala eta kontzertua atsegina egiteko, organoak, bakarrik jotzeaz gain, txistua, gaita bakarra edota bi gaitak lagundu ditu, errepertorio barrokoa eta garaikidea nahastuz.
Trumpet Voluntary (organoa eta gaita bat)
Jeremiah Clarke (1674-1707)
Kontzertua ren (organoa eta bi gaita)
2021-10-12
Lizarrako San migel elizan KONTZERTUA joko dugu Iosu Larumbe organo jolearekin
Kontzertu hau Nafarroako 37. Organoko Musika Zikloan sartzen da. Publizitatea prestatzean "Untsalaz" "Untzalak" bilakatu dela ematen du: esne-industriako entrepresa batentzat ez gaituzten bitartean...tira.
Kontzertua atsegina egiteko, organoak, bakarrik jotzeaz gain, txistua, gaita bakarra edota bi gaitak lagunduko ditu, errepertorio barrokoa eta garaikidea nahastuz:
2021-08-28
Eneko eta Peioren semea egun berean ezkondu dira
Eneko eta Irantzuri "opari" hau egin diegu Mikel eta aspalditik gurekin jotzen ez zuen Txumarekin; bide batez Txuma gurekin jotzea plazer haundi bat izan da.
