2021-04-19

Manolo Lizoain, Enekoren aitona

 


Eneko ez da edozein familian sortu: bere aitona Manolo Lizoain Iruñeak izan dituen belaunaldi historiko haren azken partaideetako bat izan da.


Argazki hauetan bere hirukotearen erdian Jesus (lehenbiziko gaita) eta Mari Mondejar Tocamari-rekin (atabala)  jotzen ikusten da.





2021-01-11

Eguberri kalejira Berriogoitin

Berriogoti

2021-01-02


Aurreko egunean bezala, Enekoren herrian hotzarekin ausartu gira berriz ere, Ezkaba Mendian ikusten den elurra lekuko:


Kalejira batekin hasi gara hotza erien muturretatik kenduko genuela esperoan bainan alferrik!


Herrian zenbait eguberri kanta jo ditugu; "Hator hator" leiho batetik grabatu digute:


Martiketen bezala, hotza kentzeko erremedioa hamarretako bero on bat izan da.


2020-12-29

Martiket auzoan Eguberri kalejira

Uharte

2020-12-27

Konfinamendua bitartean etxetik jo dugu eta bakoitza bere aldetik. Aldi huntan eta aspaldiko partez, etxetik abiaturik kanpoan jo dugu azkenenik eta Martiket auzokideek zuzenean entzuteko parada ukan dute.

Auzo ttipia da bainan gure musika estimatzen duena.

Eguberri kanta batzuk jo ditugu, zinezko Eguberriko tenperatura lagun edo behar bada "etsai" errateko modukoa!


Azken kalejira eta etxera hamarretakoa dastatzera.



2020-12-24

Eguberri eta urteberri on!

 2020eko eguberriak, etxean osapatzeko modukoak




Garai huntan bideoak etxean grabatzen baitira, horra Olentzerorekin aurten egin dugun kalejira birtuala.

EGUBERRI eta URTEBERRI ON!

2020-05-01

Konfinamendua Albokan

Eneko x4
2020-04

Talde huntan baditugu 2 gaitero, 2 atabalari, 2 txirulari, 4 albokari eta omen klarinete jole bat (froga grafikorik ez dugu oraino...): konfinamenduak ugaldu gaitu!



2020-04-19

Konfinamenduan auzoekin

Uharte
2020-03-19

Peiok aperitifa antolatu du auzoekin, konfinamendua nolabait ezabatzeko, nahiz eta hainbeste egun etxean pasatu, pesta itxura pixkat eman nahian.


Konfinamendua Txistuan

Eneko x2
2020-03

Hain beste egun bakarrik egon ondoren, Enekok klonatzea erabaki du. Hola bederen badu bigarren botza egiten dion norbait.



2019-08-05

Leitza

2019-08-03
Programen banaketa

Ondoko larunbatean hasiko diren jaien programak banatzen ibili dira Leitzako gazteak etxez etxe eta herriko esku soinulari diren Tomax eta Jexuxekin batean ari izan gira Josetxo aspaldiko partez gurekin elkartuz.



Enekok badaki dantzan, gaita jotzen baita biak batera ere! Gainera holako dantzari talde batekin merezi du indartxo bat egitea.


Eta dantzari horiek herriko karrikara itzultzen direnean, ematen duten kalejira paregabekoa izaten ohi da.